常見問題
FAQ
CANTO-mas on the Beach 廣東歌聖誕沙灘歷奇|12 月 19–20 日・愉景灣大白灣沙灘
CANTO-mas on the Beach 幾時同喺邊度舉行?
2026 年 12 月 19 日(星期六)及 20 日(星期日),每日 12:00 – 21:30,地點係愉景灣大白灣沙灘。兩日節目一樣。
入場要唔要錢?
入場同舞台節目免費。兒童 Silent Disco 特務歷奇、Silent Disco 派對同星空音樂節 VIP 前排區需要網上預先購票;充氣彈床、氣球屋、陀螺 DIY、Cosplay 拍攝同聖誕酒吧喺現場付款。
幾時開始賣飛?
門票即將開售,開賣時會喺本網站同 Instagram 公布。
兒童特務歷奇適合幾多歲?
特務歷奇分兩個年齡組別:初級場 4–6 歲,高級場 7–11 歲,每場約 50 分鐘。每位參加者會有 Silent Disco 耳機、特務禮包同證書。夜光場喺日落後開始,有限定光影效果。
家長可唔可以陪同?
可以。每位小朋友可由最多 2 位家長免費陪同,家長喺觀察區觀看,活動期間須留喺場內。
充氣彈床點收費?
夜光充氣彈床、迷宮同障礙賽道每位小朋友 HK$80 玩 25 分鐘,現場付款。
點去愉景灣大白灣沙灘?
最方便係喺中環 3 號碼頭搭渡輪去愉景灣碼頭,落船行約 3 分鐘就到。亦可以喺港鐵欣澳站轉 DB03R 巴士,或喺東涌巴士總站搭 DB01R 巴士。活動兩日愉景灣每日送出 1,000 張免費船票,派發安排稍後公布。
落雨或者打風點算?
如當日懸掛八號或以上熱帶氣旋警告信號,或發出紅色或黑色暴雨警告,當日活動會取消,已購門票全額退款。
要幾早到?
請喺場次開始前 15 分鐘報到。遲到者未必可以加入,恕不退款。
小朋友入場有咩安全安排?
11 歲或以下小朋友須由成人看管。入場時會派發寫有家長電話嘅手帶。活動涉及跑動同充氣設施,請小朋友穿著合適鞋履。
現場有冇酒賣?
聖誕酒吧全日開放。酒精飲品只售予 18 歲或以上人士,購買時須出示身份證明文件。晚上 7 時後聖誕酒吧只限 18 歲或以上人士進入。
活動收益會捐俾邊個?
部分收益會撥捐生活教育活動計劃(LEAP),支持香港兒童健康及生活教育。
點樣查詢或者合作?
可以 WhatsApp 5246 8774 或電郵 sales@hk-good-times.com。品牌贊助請睇「贊助合作」頁。